ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានជំរុញឱ្យមានការគិតគូរលើការផលិតផលិតផលក្នុងស្រុកសម្រាប់ប្រជាជនកម្ពុជា និងមួយផ្នែកទៀតចែកចាយតាមទីតាំងទេសចរណ៍។
សម្ដេចតេជោ ហ៊ុន សែន បានថ្លែងក្នុងពិធីសំណេះសំណាល និងពិសារអាហារសាមគ្គីសហគ្រាសធុនតូច និងមធ្យម និងសិប្បកម្មកម្ពុជារសៀលថ្ងៃទី១០ ខែមេសា ឆ្នាំ២០២៣ នេះដោយជំរុញដល់ក្រសួងស្ថាប័នពាក់ព័ន្ធទាំងអស់ធ្វើយ៉ាងណាធ្វើឱ្យប្រជាជនកម្ពុជាទទួលបានផលិតផលក្នុងស្រុកដែលកែច្នៃដោយសហគ្រាសក្នុងស្រុក និងមួយផ្នែកទៀតត្រូវនាំចេញផលិតផលទាំងនោះទៅតាមទីតាំងទេសចរណ៍។
សម្ដេចលើកឡើងបែបនេះដោយពិនិត្យឃើញការរីកលូតលាស់នៃវិស័យទេសចរណ៍កម្ពុជាដែលជាឱកាសនៃការនាំផលិតកម្ពុជាឱ្យបរទេសបានស្គាល់៕
